تخسيس الوزن | دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب هو نظام غذائي لمدة 3 ايام بيعزز فقدان الوزن وصحة القلب ، والنظام ده معروف كمان اسم نظام برمنجهام الغذائي ، والنظام اتعمل في الاساس لمساعدة الاشخاص المصابين بأمراض القلب على انقاص وزنهم قبل الجراحة ، وبالتالي هو نظام غذائي صحي جدا ، وهيساعدك تخسي 4 كيلو ونص في 3 ايام بس ، تابعي معانا السطور الجاية واتعرفي على النظام بالتفصيل ، وخطة وجبات 3 ايام.

اساسيات دايت القلب:

الدايت ليه نظام صارم في الاطعمة اللي المفروض تاكليها لمدة 3 ايام ورا بعض خلال الاسبوع ، وخلال ال 4 ايام الباقية من الاسبوع تقدري تاكلي اي اكل انتي عايزاه.

والدورة دي المفروض تمشي عليها في بداية كل اسبوع ، كذا اسبوع ورا بعض ، حسب الضرورة لحد ما توصلي للوزن اللي انتي عايزاه.

خطة الوجبات بتضمن الاطعمة اللي المفروض تاكليها ، بالاضافة لكمية الاكل المسموح بيها ، خلال ال 3 ايام ، ومش مسموح بأي مكونات تانية ، ومش مسموح بأي بدائل.

الوجبات بتدور شكل اساسي حوالين الخبز المحمص ومصدر البروتين ، وعدد السعرات الحرارية بيكون منخفض جدا ، بيوصل ل 800 – 1000 سعرة حرارية بس في اليوم.

والنظام مافيهوش اي تقييدات او توجيهات بتغيير اسلوب الحياة ، زي ممارسة النشاط البدني وشرب الماية.

وملخص دايت القلب انك تمشي على وجبات صارمة لمدة 3 ايام ورا بعض ، وتمشي على نظام غذائي عادي باقي الاسبوع.

الاطعمة المفروض تاكليها (وتتجنبيها):

الوجبات في النظام عموما بتعتمد على مصدر بروتين مع فاكهة, خضار, خبز محمص, بسكويت مملح.

الملح والفلفل هي البهارات الوحيدة المسموح بيها ، وللتحلية مسموح بآيس كريم فانيليا مرة واحدة في اليوم اثناء العشا.

مش مسموح بأي مكونات او بدائل تانية غير اللي موجودة في النظام.

الاطعمة المسموح بيها في دايت القلب لمدة 3 ايام:

– الفاكهة: الجريب فروت, الموز, البطيخ, التفاح.

– الخضروات: اللفت الاخضر, الفاصوليا الخضرا, الجزر, القرنبيط, البنجر, الكرنب, والبروكلي.

– منتجات الالبان: آيس كريم فانيليا, الجبنة القريش, الجبنة الشيدر.

– البروتينات: التونة, البيض, الفراخ منزوعة الجلد, زبدة الفول السوداني, لحمة بقري خالية من الدهون.

– الحبوب: الخبز المحمص والبسكويت المملح.

– المشروبات: القهوة السودا, الشاي, الماية, الصودا الدايت.

اي اطعمة مش مذكورة في القايمة اللي قولناها دي هتبقى محظورة خلال ال 3 ايام.

هل النظام فعلا مفيد لصحة القلب؟

على الرغم ان مافيش دليل كافي على ده ، الا ان النظام بيمنع الاطعمة المصنعة ، وده هيكون مفيد لصحة القلب ، لانه حسب الدراسات ان الاشخاص اللي بياكلوا الاطعمة المعالجة بشكل اكبر ، معرضين اكتر للاصابة بأمراض القلب على مدى 5 سنوات في المتوسط.

سلبيات النظام:

النظام يعتبر قاسي ومقيد جدا لانه بيحدد لك اطعمة معينة بس هي اللي مسموح بيها ، وبالتالي ممكن يكون صعب على بعض الاشخاص يلتزموا بيه.

ولان النظام صارم جدا وبيديكي في اليوم من 800 – 1000 سعرة حرارية بس ، وده اقل بكتير من الكمية المحتاجة الشخص البالغ يوميا ، بالتالي ده مش هيخليكي تحسي بالجوع بس ، ولكن ممكن كمان تحسي بالتعب والغثيان والصداع.

خطة وجبات لدايت القلب لمدة 3 ايام:

– اليوم 1:

– الفطار: ½ ثمرة جريب فروت او عصير, شريحة واحدة من الخبز المحمص مع معلقة كبيرة (16 جرام) من زبدة الفول السوداني.

– الغدا: 85 جرام لحمة خالية من الدهون, كوباية (180 جرام) فاصوليا خضرا مطبوخة, كوباية (130 جرام) جزر او بنجر, تفاحة ولحدة صغيرة.

– العشا: شريحة واحدة من الخبز المحمص, مع ½ كوباية (73 جرام) تونة, كوباية (150 جرام) آيس كريم فانيليا.

– اليوم 2:

– الفطار: بيضة مسلوقة, شريحة توست, ½ موزة.

– الغدا: شريحتين لحمة, 1 كوباية (90 جرام) من الكرنب او البروكلي المطبوخ, ½ كوباية (65 جرام) من اللفت او الجزر, ½ موزة.

– العشا: كوباية (225 جرام) جبنة او ½ كوباية (73 جرام) تونة, 5 قطع من البسكويت المملح, ½ كوباية (75 جرام) آيس كريم فانيليا.

– اليوم 3:

– الفطار: بيضة مسلوقة وشريحة توست.

– الغدا: 1 كوباية (146 جرام) تونة, 1 كوباية (100 جرام) من الفاصوليا الخضرا المطبوخة او القرنبيط, 1 كوباية (130 جرام) جزر او بنجر, 1 كوباية (160 جرام) بطيخ.

– العشا: 28 جرام من الجبنة الشيدر, تفاحة واحدة صغيرة, 5 قطع بسكويت مملح, و ½ كوباية (75 جرام) آيس كريم فانيليا.

في النهاية دايت القلب هو موجه للاشخاص اللي عايزين طريقة سريعة لتخسيس الوزن وتحسين صحة القلب ، وللحصول على افضل النتايج اتأكدي من ربط النظام الغذائي بأسلوب حياة صحي ونشاط بدني منتظم.

وصفات لسد الشهية وتخسيس الوزن