تخسيس الوزن | تحدي ال 7 ايام لخسارة الوزن بسرعة

دايما في عملية تخسيس الوزن افضل النتايج بتكون في بداية النظام ، لما بتبدأي حاجة مختلفة وجديدة وجسمك مش متعود عليها ، لانها بتبقى زي الصدمة للجسم وبالتالي بيستجيب ليها بشكل فعال ، والنهاردة التحدي بتاعنا هو ازاي تضيفي الصدمة دي لنظامك عشان تشوفي نتايج فعالة ، وعشان تستفادي منه اقصى استفادة لازم تنفذيه كله ، يعني ماتعمليش حاجات وحاجات لا عشان ماتضيعيش مجهود ال 7 ايام ، تعالوا نتعرف في السطور الجايه على تحدي ال 7 ايام لخسارة الوزن.

فوايد تحدي ال 7 ايام لخسارة الوزن:

– هتتخلصي  من الانتفاخ (هتحسي انك بطنك مسطحة).

– هتفقدي من ½ كيلو لحد 2 ½ كيلو.

– هيبقى عندك طاقة اكتر.

– مش هتحسي بالارهاق.

– مش هتحسي بالجوع.

– مزاجك هيبقى افضل.

– هتبقي عندك قدرة اكبر على التركيز.

– هتبقي اكتر انتاجية.

اول حاجة قبل ما تبدأي النظام قولي لنفسك الحاجات دي:

– همشي على النظام ده لمدة 7 ايام ورا بعض مهما حصل.

– مش مهم لو في حفلة عيد ميلاد.

– مش مهم لو وصلت البيت متأخر بعد الشغل.

– مش مهم لو عندي اي ظروف.

– مش مهم لو كنت متوترة.

– مش مهم حتى لو مش حاسه بالرضا.

– مش مهم حتى لو حصل اي حاجة.

– مش مهم لو كان في اجتماع في الشغل.

– مش مهم لو مسافرة بره مدينتي.

لازم تأكدي على نفسك انه مهما حصل هتنتظمي على ال 7 ايام ورا بعض وهتنفذي كل حاجة في النظام.

تحدي ال 7 ايام لخسارة الوزن:

– مافيش صودا:

دي سهلة تقدري تستغني عن الصودا ، حتى كمان الدايت ممنوعة.

– اشربي 10 كوبايات ماية يوميا:

اتأكدي انك تخلي ازازة ماية جنبك طول الوقت واشربي كميات صغيرة على مدار اليوم ، على سبيل المثال ، اشربي كوبايتين ماية الساعة 10 الصبح ، وكوبايتين كمان الضهر ، كوبايتين بالليل وهكذا لحد ما تخلصي كمية الماية كلها.

– اتجنبي المحليات الصناعية:

اتجنبي كل المحليات الصناعية ، واي حاجة مكتوب عليها خالي من السكر لان بيبقى جواها محليات صناعية.

– ابعدي عن اكلات الحمية:

ماتاكليش اي حاجة مكتوب عليها “حمية” التزمي بالاطعمة الطبيعية.

– ابعدي عن القمح والجلوتين:

الخبز, الباستا, البسكويت ، وغيرها من الحاجات اللي داخل فيها دقيق ابيض وجلوتين ، الا اذا كان معمولة من  الارز البني او الكينوا.

– ابعدي عن السكر:

اتجنبي عن السكر والحلويات تماما ، الا لو هتعملي وصفة حلويات بنفسك وتحليها بتحلية صحية.

– ابعدي عن منتجات الالبان:

ممنوع الزبادي, اللبن, الجبن وغيرها من منتجات الالبان ، لكن تقدري تاكلي بيض.

– ابعدي عن الاطعمة المعلبة:

اتجنبي تماما الاطعمة المعلبة.

– ماتاكليش بره البيت:

خلال ال 7 ايام خليهم انتي تطبخي فيهم ، واعملي كميات زيادة لكل وجباتك عشان يفضلك اكل وماتضطريش تعملي لكل وجبة.

– ابعدي عن اللحوم الحمرا:

خلال الاسبوع ده بس.

– كلي خضار يوميا:

مع كل وجبة كلي اي خضروات خضرا او اعمليها سموزي.

– كلي بروتين في كل وجبة:

دخلي البروتين في كل وجباتك خلال اليوم زي صدور الفراخ, التونة, المأكولات البحرية, بياض البيض ، وممكن تستخدمي البروتين البودر تضيفيه للسموزي.

– مارسي التمارين خلال ال 7 ايام:

مارسي التمارين يوميا لمدة 3 – 30 دقيقة او اكتر.

3 تمارين بالفيديو تقدري تعمليهم خلال ال 7 ايام:

– اليوم الاول: تمرين الذراعين.

– اليوم التاني: تمارين المؤخرة.

– اليوم التالت: تمارين عضلات المعدة والبطن.

اخسري 4 كيلو في 30 يوم مع تحدي انقاص الوزن في 4 خطوات