زيادة الوزن | اطعمة لزيادة الوزن للاطفال بشكل صحي

الاطفال اللي بيعانوا من نقص الوزن ممكن يعانوا من مشاكل صحية مختلفة ، ومن هنا مهم انك تدخلي بعض الاطعمة لزيادة الوزن للاطفال في نظامهم الغذائي ، الاول لازم تعرفي الوزن المثالي للطفل عن طريق مؤشر كتلة الجسم ، عشان تعرفي طفلك محتاج وزن قد ايه ، والنهاردة من خلال موضوعنا هنشارك معاكم افضل الاطعمة الغنية بالمغذيات اللي هتساعدهم على اكتساب وزن صحي بمعدل ثابت مع تزويدهم بكل العناصر الغذائية الاساسية للنمو ، تابعوا معانا السطور الجاية واتعرفوا على افضل اطعمة لزيادة الوزن للاطفال.

ايه هو الوزن المثالي للاطفال؟

تقدري تعرفي الوزن المثالي للطفل عن طريق مؤشر كتلة الجسم BMI ، بانك تدخلي عمر الطفل, الوزن, الطول ، وهيقولك اذا كان الطفل وزنه مثالي ولا ناقص وزن او بيعاني من زيادة الوزن او السمنة.

وتقدروا تحسبوا الوزن المثالي من هنا عن طريق حساب مؤشر كتلة الجسم.

وفي حين ان المفروض انك تدي الاطفال اطعمة مغذية لنموهم وتطورهم بشكل عام ، الا انه الاطعمة اللي بتزود الوزن مخصصة للاطفال اللي بيعانوا من نقص الوزن.

والخبراء بينصحوا ان الاطفال المفروض ياكلوا وجباتهم الاساسية بانتظام واكل وجبتين خفاف على الاقل بين الوجبات الاساسية ، وتكون وجبات بسعرات حرارية صحية.

اطعمة لزيادة الوزن للاطفال:

الاطعمة اللي هتساعد على زيادة وزن الاطفال لازم تكون مفيدة وكمان شهية عشان تشجعهم على الاكل ، سواء كان بار للطاقة, او عصير, او وجبة كاملة ، اطفالك مش هيستمتعوا بيها الا اذا حبوا طعمها.

1- البيض:

البيض مفيد وغني بالبروتين ، وممكن انه يساعد في تنظيم وزن طفلك ، البيضة بتساعد على بناء نمو العضلات وانسجة الجسم الضرورية للبلوغ وصحة المراهقين ، اسلقي البيض كويس ودخليه بكميات صغيرة للاطفال اللي سنهم صغير ، البيض يعتبر مفيد جدا ليهم ومليان بالعناصر الغذائية زي الفوسفور, البروتين الكامل, الزنك, الكالسيوم, الحديد, السيلينيوم, فيتامين أ, فيتامين ب12, فيتامين ب 6, فيتامين د، فيتامين هـ, فيتامين ك, الريبوفلافين, والكولين.

القيمة الغذائية للبيضة: 6 جرام بروتين, 5 جرام دهون, 78 سعرة حرارية.

2- الفراخ:

الفراخ بتحتوي على سعرات حرارية عالية وبروتين ، وممكن انها تساعد في الوقاية من سوء التغذية ، بالاضافة انها غنية بالفوسفور ، وهو معدن اساسي بيدعم الاسنان, العضم, ومفيد للكلى والكبد والجهاز العصبي المركزي بالكامل ، بالاضافة انها مصدر كبير لفيتامين ب 12 ، وهو عنصر غذائي اساسي للمخ والاعصاب وتطور خلايا الدم ، خصوصا في السن الصغير ، وافتكري دايما ان صدور الفراخ اخف من الافخاد والساقين ، وازالة الجلد يعتبر الاختيار الافضل لانه غني بالدهون المشبعة والكوليسترول.

القمية الغذائية لكل 100 جرام فراخ: 24 جرام بروتين, 13.40 جرام دهون, 239 سعرة حرارية.

3- السلمون:

السلمون بيحتوي على احماض اوميجا 3 الدهنية, فيتامين ب 12, السيلينيوم, الكولين ، اللي بتدعم وظائف المخ, الوظيفة الادراكية, الصحة العصبية عند الاطفال ، عشان كده طبق من سمك السلمون في النظام الغذائي لاطفالك هيكون فكرة صحية جدا.

القيمة الغذائية لكل 100 جرام من سمك السلمون: 20.42 جرام بروتين, 13.42 جرام دهون, 208 سعرة حرارية.

4- السكر المصنوع من قصب السكر (السكر الجلاب):

السكر المصنوع من قصب السكر هو شكل من اشكال السكر غير المكرر ، وهو بديل افضل للسكر الابيض ، وبيحتوي على معادن اساسية بما فيها الحديد ، وعشان تضيفي سعرات حرارية اضافية لنظام طفلك الغذائي ، ضيفي لهم السكر المصنوع من قصب السكر لاطباقهم المفضلة ، ولكن مع ذلك ما تضيفيش منه بافراط لانه ممكن يكون ليه اثار جانبية زي السكر العادي.

القيمة الغذائية لكل 100 جرام: 0.4 جرام بروتين, 0.1 جرام دهون, 383 سعرة حرارية.

5- العسل:

العسل يعتبر كمان بديل صحي اكتر للسكر ، العسل بيحتوي على 17% ماية, 82% كربوهيدرات ، وده هيساعد على زيادة الوزن بشكل صحي ، العسل بيحتوي على نسبة منخفضة من الدهون ، ممكن تضيفي منه معلقة على الخبز المحمص او السندوتشات والفطائر.

القيمة الغذائية لكل 100 جرام عسل: 0.3 جرام بروتين, 82 جرام دهون, 304 سعرة حرارية.

6- اللبن:

اللبن ومنتجات الالبان مصدر جيد للبروتين ، لو طفلك بيعاني من عدم تحمل اللاكتوز ، كوباية واحدة من اللبن كل يوم هتكون كافية وهيحافظ على نظام غذائي صحي ، اللبن بيحتوي على الدهون, الكالسيوم, الفيتامينات الاساسية اللي بتساعد على بناء عظام قوية ، بالاضافة ان اللبن بيحتوي على فيتامين د اللي بيحسن من امتصاص الكالسيوم.

القيمة الغذائية لكل 100 جرام لبن: 3.4 جرام دهون, 1 جرام دهون, 42 سعرة حرارية.

7- الزبادي:

معظم الاطفال بيحبوا الزبادي ، تقدري تقدميها لهم لوحدها او تضيفي لها اضافات تانية ، الكالسيوم والبوتاسيوم الموجودين في الزبادي بيساعدوا على تحسين عضم الاطفال ، بالاضافة ان الزبادي تعتبر مصدر للبكتيريا الجيدة للامعاء والمعروفة باسم “البروبيوتيك” اللي بتساعد على الهضم والامتصاص السليم ، وبالتالي بتأثر على نمو الطفل وتطوره بشكل عام ، اتأكدي من اختيار الزبادي الخالية من السكر المضاف لتغذية طفلك بشكل افضل وصحي.

القيمة الغذائية لكل 100 جرام زبادي: 10.3 جرام بروتين, 0.37 جرام دهون, 61 سعرة حرارية.

8- الفواكه المجففة والمكسرات:

تعتبر وجبة خفيفة مثالية او تستخدميها كاضافة لزبدة المكسرات او الفول السوداني, الايس كريم, العصاير ، الفواكه المجففة والمكسرات بتحتوي على مجموعة متنوعة زي اللوز, الكاجو, الجوز, المشمش وغيرها ، وغير انها غنية بالحديد, الفيتامينات, المغنيسيوم ، الفواكه المجففة والمكسرات بتوفر كمان البروتينات والدهون الصحية ، واللي تعتبر مهمة لزيادة الوزن بشكل صحي ، ممكن تدي لطفلك من 1 – 2 معلقة كبيرة من الفواكه المجففة والمكسرات لطفلك في اليوم.

القيمة الغذائية لكل 100 جرام مكسرات مشكلة (الفول السوداني, الكاجو, اللوز, البندق, الجوز البرازيلي): 20 جرام بروتين, 54 جرام دهون, 607 سعرة حرارية.

9- البان كيك:

البان كيك ممكن تقدميه لاطفالك كوجبة خفيفة لذيذة او كوجبة فطار ، مكونات الفطيرة بتخليها عالية السعرات الحرارية ، ولكن ممكن تستبدلي الدقيق متعدد الاغراض بدقيق القمح الكامل او دقيق الذرة او دقيق الشوفان ، هيخلي الفطائر صحية اكتر من غير ما تقللي من عدد السعرات الحرارية اللي هتديها لطفلك.

القيمة الغذائية لكل 100 جرام من البان كيك: 6 جرام بروتين, 10 جرام دهون, 227 سعرة حرارية.

10- الشوفان:

الحبوب الكاملة بتحتوي على الكربوهيدرات والبروتينات والنشا ، وده هيخليها اختيار مثالي للطفل ، بالاضافة ان بيحتوي على نسبة عالية من الالياف الغذائية اللي بتساعد على الهضم.

القيمة الغذائية لكل 100 جرام من الشوفان: 2.4 جرام بروتين, 1.4 جرام دهون, 68 سعرة حرارية.

11- الفاصوليا والعدس:

الفاصوليا والعدس غنية بالبروتين ، في المتوسط كل 100 جرام منه بيحتوي على حوالي 300 سعرة حرارية ، الفاصوليا تعتبر كمان مصدر ممتاز للالياف القابلة للذوبان ، اللي بتساعد على تنظيم نسبة السكر في الدم وعلى منع الامساك ، بالاضافة ان الفاصوليا والعدس غنية بالمغذيات النباتية ومضادات الاكسدة ، واللي تعتبر اساسية للحفاظ على الصحة.

القيمة الغذائية لكل 100 جرام من الفاصوليا والعدس: الفاصوليا بتحتوي على 21.4 جرام بروتين, 1.2 جرام دهون, 347 سعرة حرارية ، والعدس على 9 جرام بروتين, 0.4 جرام دهون, 116 سعرة حرارية.

12- زيت الزيتون:

استخدمي زيت الزيتون كصوص للسلطة او اضافته للاكلات بشكل عام ، زيت الزيتون غني بالدهون الاحادية غير المشبعة ، والفيتامينات زي فيتامين E المهمة لنظام المناعة الصحي ، وبيساعد في النمو العصبي للاطفال ، جربي استخدام زيت الزيتون البكر الممتاز.

القيمة الغذائية لكل معلقة كبيرة من زيت الزيتون: 0 بروتين. 14 جرام دهون. 119 سعرة حرارية.

13- الموز:

الموز غني بالعناصر الغذائية اللي بتساعد على الهضم بسهولة ، الموز غني بالالياف, البوتاسيوم, المغنيسيوم, وفيتامين ب 6 ، وده بيخليها واحدة من افضل الاطعمة عالية السعرات الحرارية ، وبالتالي فهو فاكهة مثالية لزيادة الوزن.

القيمة الغذائية لكل موزة متوسطة الحجم: 1.3 جرام بروتين, 0.4224 جرام دهون, 105 سعرة حرارية.

14- الافوكادو:

الافوكادو غني بفيتامين C, E, K, B6, البوتاسيوم, الدهون, الالياف ، كمان بتوفر للجسم اللوتين, البيتاكاروتين ، واحماض اوميجا 3 الدهنية المفيدة في تحسين الصحة العامة للجسم ، تقدري تدمجيها في العصاير او كتغميسة.

القيمة الغذائية للافوكادو: 4 جرام بروتين, 29 جرام دهون, 322 سعرة حرارية.

15- الحمص:

الحمص بيحتوي على العناصر الغذائية الاساسية والدهون الصحية ، ويعتبر الحمص مصدر للمعادن الحيوية زي الكالسيوم, الحديد, المغنيسيوم المفيدة في مكافحة فقر الدم ، بالاضافة انه بيحتوي على كمية جيدة من البروتين وده مهم لزيادة الوزن بشكل صحي.

القيمة الغذائية لكل 2 معلقة كبيرة من الحمص: 0.817 جرام بروتين, 5.8 جرام دهون, 77.6 سعرة حرارية.

16- الذرة:

الذرة غنية بالكاروتينات اللي بتعزز صحة العيون ، في حين انه بتتكون اساسا من الكربوهيدرات ، لكن هي غنية كمان بالالياف والعناصر الغذائية الاساسية للنمو والتطور السليم ، لما فيهم فيتامين ب, الحديد, البوتاسيوم, الزنك.

القيمة الغذائية لكل 100 جرام من الذرة: 19 جرام كربوهيدرات, 3.22 جرام بروتين, 86 سعرة حرارية.

17- عصير الفاكهة:

اخلطي اي نوع فاكهة مع اللبن واعمليه عصير لذيذ لاطفالك ، عصاير الفاكهة بتحتوي على فيتامينات, معادن, مغذيات, الياف ، وحاولي تدخليها في نظامهم الغذائي اليومي ، وسيبي قشر الفاكهة لتغذية افضل.

القيمة الغذائية لكل 100 جرام عصير فاكهة: 8 جرام كربوهيدرات, 1.2 جرام بروتين, 37 سعرة حرارية.

18- البطاطا والبطاطس:

البطاطا غنية بالالياف والفيتامينات زي فيتامين ب, سي ، والمعادن زي الحديد, الكالسيوم, السيلينيوم, غنية بمضادات الاكسدة وبتحسن من امتصاص البيتاكاروتين ، البطاطا المخبوزة في الفرن او البطاطس المقلية تعتبر واحدة من اسهل الوجبات الخفيفة في التحضير ، ومن خلال خبرها في الفرن بدل من قليها انتي كده بتتجنبي الدهون غير الضرورية مع اعطاء الطفل اكل مغذي ممكن يساعده على زياده وزنه بشكل صحي.

القيمة الغذائية لكل 100 جرام من البطاطا والبطاطس: البطاطا بتحتوي على 20 جرام كربوهيدرات, 1.6 جرام دهون, 86 سعرة حرارية، والبطاطس على 17.49 جرام كربوهيدرات, 2.05 جرام بروتين, 77 سعرة حرارية.

19- باقي انواع الفاكهة:

الفاكهة بتساعد على تقوية جهاز المناعة عند الطفل وبتساعد على محاربة الامراض ، وبتساعد على النمو والتطور الصحي للطفل لانها غنية بالالياف, الفيتامينات, المعادن ومليانة بالعناصر الغذائية.

القيمة الغذائية لكل 100 جرام فاكهة (سلطة): 0.75 جرام بروتين, 13.16 جرام كربوهيدرات, 52 سعرة حرارية.

20- باقي انواع الخضروات:

ممكن الاطفال يكونوا مش محبين اوي للخضار وبيشوفوا اكل ممل ، لكن اكيد هيحبوها لو لذيذة ومقرمشة ، لو انتي طفلك من الاطفال اللي مش بتحب تاكل الخضار ، فافضل وقت عشان تديه طبق خضار وتضمني انه هياكله هو لما يكون جعان جدا ، الخضار بتحتوي على العناصر الغذائية الاساسية ، بما فيها الفيتامينات, المعادن, الالياف, مضادات الاكسدة ، واللي تعتبر ضرورية في تحسين صحة الطفل والمساعدة في نموه بشكل عام.

القيمة الغذائية لكل 100 جرام من الخضار: 13 جرام كربوهيدرات, 2.9 جرام بروتين, 65 سعرة حرارية.

10 وجبات خفيفة سهلة هتساعدك على زيادة الوزن بشكل صحي