مكياج | طريقة عمل البلاشر الكريمي في البيت بمكونات طبيعية

كل حاجة دلوقتي نقدر نعملها في البيت بمكونات طبيعية ، والميزة في الحاجة اللي بتتعمل في البيت انها مضمونة وكلها حاجات طبيعية مش مضرة بالبشرة ، بالاضافة انك بتختاري بنفسك الالوان المناسبة ليكي ، والاهم انك هتوفري في الميزانية بتاعتك ، والنهاردة من خلال موضوعنا هنعرف مع بعض طريقة عمل البلاشر الكريمي بمكونات طبيعية.

ايه هو البلاشر الكريمي؟

البلاشر في منه اكتر من نوع هو البودر, السايل, والنوع اللي معانا النهاردة الكريمي ، اللي بيميز البلاشر الكريمي عن الانواع التانية انه بيمنع اللوك الكيكي للمكياج او انه يشقق ، بيمتزج بسلاسة على البشرة وده بيدي لوك طبيعي للخدود ، بيدي ملمس رطب للبشرة.

ليه البلاشر الكريمي افضل؟

1- للبشرة الجافة:

البلاشر الكريمي افضل للبشرة الجافة لانه بيساعد على ترطيبها من الداخل ، بالاضافة انه هيديكي لون وردي طبيعي لخدودك.

2- لون طبيعي:

اختيار البلاشر الكريمي بدل البودر هيديكي لون للخدود طبيعي اكتر ، ولو موجودة في مناخ بارد ، استخدام البلاشر الكريمي هيدي بشرتك ترطيب.

3- بيدوم فترة اطول:

البلاشر الكريمي بيتميز انه بيدوم فترة اطول على البشرة.

طريقة عمل البلاشر الكريمي بمكونات طبيعية:

المكونات:

– 1 معلقة صغيرة من زبدة الشيا.

– ½ معلقة صغيرة شمع مستحلب emulsifying wax (متوفر على مواقع التسوق اون لاين).

– 1 معلقة كبيرة من جل الصبار.

لاضافة اللون هتحتاجي:

– 1 معلقة صغيرة كاكاو بودر.

– 1 معلقة صغيرة بودرة الميكا باللون اللي انتي عايزاه (متوفرة على مواقع التسوق اون لاين).

– 2 معلقة صغيرة بودرة معدنية اي نوع واي لون بتستخدميه.

طريقة التحضير:

1- اول حاجة دوبي زبدة الشيا مع الشمع المستحلب في الميكروويف لمدة 10 ثواني او على حمام مية سخنة ، ولو هتستخدمي الميكروويف اتأكدي انك متسخنيش الخليط زيادة عشان ميتحرقش.

2- بعد ما الزبدة والشمع يدوبوا ضيفي لهم جل الصبار وقلبيهم مع بعض كويس ، وسيبي الخليط لحد ما يبرد.

3- دلوقتي خطوة اضافة الالوان للخليط ، ضيفي بودرة الميكا والكاكاو والبودرة المعدنية بكميات صغيرة بالتدريج لحد ما توصلي للون اللي انتي عايزاه.

4- خدي كمية من الخليط وحطيه على البشرة وادمجيه كويس عشان تجربي اللون ، وتشوفي لو اللون كويس ولا عايزة تزودي تاني.

5- بعد ما تظبطي اللون سيبي الخليط يبرد تماما ، وانقليه لاي علبة صغيرة نضيفة عندك ، وكده يبقى البلاشر الكريمي جاهز للاستخدام.

ازاي تحطي البلاشر حسب شكل وشك ؟