مكياج | ايه الفرق بين Eau De Parfum و Eau De Toilette وافضل الانواع

لو وانتي بتشتري البرفيوم بتاعك في اي وقت قبل كده وقعتي في حيرة ما بين الانواع الكتير الموجودة فأنتي مش لوحدك في الحيرة دي ، كتير من البنات بيكونوا في نفس الحيرة ما بين العطور للكولونيا لماء التواليت ، وغيرها من الانواع ، وفي كمان تركيزات مختلفة من العطور ، وتسميتها بيجي على حسب تركيز زيت العطر في الكحول والمية ، والنهاردة من خلال موضوعنا هنقولك الفرق بين Eau De Parfum و Eau De Toilette او ماء العطر وماء التواليت ، وافضل الانواع منهم.

الفرق بين Eau De Parfum و Eau De Toilette:

تركيز البرفيوم هو اللي بيحدد مدى استمرارة على البشرة وثباته ، والفرق الرئيسي ما بين ماء العطر وماء التواليت هو في تركيز زيت البرفيوم.

ماء العطر Eau De Parfum:

ماء العطر بيكون فيه زيت العطر اعلى من اي نوع تاني ، واللي بتوصل حوالي من 15 – 20% ، وعادة بتستمر لمدة 6 ساعات ، وبعد ما بتطير الريحة الاولى منه بتفضل الريحة اللي في النص او الاخيرة هي اللي ريحتها ظاهرة ، ولان  النوع ده تركيزة اعلى واكتر كثافة من ماء التواليت Eau De Toilette, فهو مثالي جدا لخروج بالليل وللسهرات.

ماء التواليت Eau De Toilette:

ماء التواليت بتكون فيه نسبة زيت العطر اقل ، واللي بتبقى حوالي من 5 – 15% ، واللي ممكن تستمر لمدة 4 ساعات ، والريحة الاولى منه بتكون هي المسيطرة ، وده بيخليها منعشة اول ما تحطيها ، ولكن مع ذلك ، بسبب انها بتحتوي على نسبة عالية من الكحول بتتبخر من على البشرة بسرعة وهتحتاجي ترشيه تاني خلال اليوم ، ولان كثافتها وتركيزها اقل من النوع الاول ، هيكون مثالي جدا للخروجات اليومية وخروجات النهار الغير رسمية.

المثير للاهتمام هنا هو ازاي تجربة الريحة بتتغير تماما ما بين ماء التواليت وماء العطر ، بما ان زيت العطر موجود بتركيز اعلى في ماء العطر ، ده مش بيخليه بس يدوم فترة اطول ، ولكن كمان ريحته بتبقى اقوى ، على عكس ماء التواليت بيكون اخف.

لما تيجي تختاري كمان ما بين النوعين لازم تحطي في الاعتبار درجة الحرارة والموسم ، لان في الجو الحر والرطوبة اختيار ماء التواليت Eau De Toilette هيكون افضل ، وفي الجو البارد ماء العطر هيكون انسب.

زي ما شوفنا الفرق بينهم واضح وبسيط ، تعالوا نشوف بعض افضل انواع البرفيوم للنوعين.

افضل انواع  Eau De Parfum:

1- Clinique Happy:

لو عايزة ريحة خفيفة ومنعشة وانثوية ، البرفيوم ده هيكون انسب اختيار ليكي ، ريحته مزيج من الحمضيات زي الجريب فروت الاحمر الياقوتي, البرغموت, وزهرة الزفاف من هاواي ، والنوع ده مثالي جدا لفصل الصيف والربيع.

2- Chanel Coco Mademoiselle:

شانيل كوكو مودمازيل من الانواع القوية ، ريحته مزيج من البرتقان, الباتشولي, والورد التركي ، ريحتها بتدوم طول اليوم ، ومناسبة لكل الاعمار.

3- Michael Kors Very Hollywood:

برفيوم مايكل كورس ريحته مزيج من اليوسفي, البرجموت, التوت, والجاردينيا ، وعلى الرغم من انها بتعتمد بشكل كبير على الجاردينيا ، لكن كمان ريحة الحمضيات والتوت من الروايح المميزة والواضحة فيها.

4- Calvin Klein Euphoria:

البرفيوم ده بيتميز بمزيج من التفاح الياباني, الورد, الاوراق الخضرا, والاوركيد الاسود ، مع اللوتس, العنبر, البنفسج الاسود, والاخشاب الحمراء ، يعني النوع ده يعتبر مزيج مثالي بين الازهار الجذابة والفاكهة بالروايح الغريبة والغنية والمختلفة.

افضل انواع Eau De Toilette:

1- Vera Wang Princess:

البرفيوم ده بيتكون من من الازهار الشرقية مع التفاح, الزنبق, اليوسفي, والمشمش ، والنوع مناسب جدا للبنات اللي سنهم صغيرة كاول تجربة برفيوم ليهم.

2- Versace Bright Crystal:

البرفيوم مزيج من روايح الازهار المفضلة لدوناتيلا فيرساتشي ، مع الماجنوليا, الفاوانيا, واللوتس ، مع المكونات الدافية من المسك والعنبر اللي بتضيف له لمسة مميزة ، ويعتبر من الانواع المناسبة طول السنة.

3- Davidoff Cool Water:

النوع ده مزيج منعش من البطيخ والاناناس ، مع لمسة انثوية من ريحة الزهور ، وده بيخليه مناسب جدا لموسم الصيف والربيع.

4- Elizabeth Arden Red Door:

نوع برفيوم كلاسيكي ، ريحتها مزيج شرقي من من ازهار الزنبق, فريزيا, الورد الاحمر, الياسمين, الايلنج ، مع السنديان, العشل, وخشب الصندل ، والبرفيوم ده مثالي للمرأة الناضجة ، ومناسب جدا للخرجات المسائية ، ويعتبر من اكتر انواع البرفيوم المطلوبة والاكتر مبيعا في السوق.

نصايح ازاى تختارى البرفيوم perfume المناسب ليكى