العناية بالشعر | مشاكل الشعر الصيفية الشائعة ونصايح لحلها

الصيف يعني نزول البحر وحمام السباحة والانشطة الخارجية ، ولكن ده معناه كمان انك هتواجهي مشاكل الجو ده مع شعرك ، سواء كان شعرك كيرلي او مفرود ، قصير او طويل ، الحر والرطوبة ممكن يسببوا مشاكل كتير للشعر ، من الهيشان, للاطراف المقصفة, لاضرار اشعة الشمس والجفاف ، وبالتالي موسم الصيف هو اصعب المواسم للعناية بالشعر ، ولكن احنا بنقولك متقلقيش ، النهاردة من خلال موضوعنا هنشارك معاكم مشاكل الشعر الصيفية ، وحلول عملية للعناية بالشعر في الصيف للحفاظ على صحة شعرك ومظهره في افضل حالاته.

مشاكل الشعر الصيفية:

1- الهيشان:

الهيشان من اكتر مشاكل الشعر الشائعة في الصيف بسبب رطوبة الجو ، الرطوبة الموجودة في الجو بتمتصها خصلات الشعر وده بيتسبب في هيشانها ، والمشكلة ممكن يكون بيعاني منها اكتر اصحاب الشعر الكيرلي.

نصايح لحل المشكلة:

– استخدمي المنتجات المضادة للهيشان زي السيروم, او البلسم اللي بيتساب على الشعر Leave-in conditioner ، او زيوت الشعر في روتين العناية بشعرك في الصيف ، للمساعدة في تنعيم الشعر ومنع الهيشان.

– اتجنبي تمشيط شعرك وهو جاف لان ده بيزود الهيشان ، بدل كده ، استخدمي مشط اسنانة واسعة او صوابعك لفك تشابك الشعر وهو مبلول.

– حطي في اعتبارك الاعتماد على ستايل شعر يحمي شعرك زي الضفاير او التويست ، واللي ممكن تساعدك على تقليل كمية الرطوبة اللي بيمتصها شعرك من الهوا.

– ممكن تستخدمي سيروم تيرسميه جلوس التيميت Tresemme gloss ultimate اللي بيحتوي على مزيج من 3 زيوت قوية بتغذي الشعر هما زيت جوز الهند, زيت المكاديميا, وزيت بذور عباد الشمس المرطب ، كل المكونات دي بتوفر لمعان وتغذية عميقة لشعرك ، وبيحمي شعرك من الحرارة.

2- الجفاف:

الجو الحر, الاشعة فوق البنفسجية, والمياة المعالجة بالكلور ممكن تخلي شعرك جاف وهش ، وده ممكن يأدي لتقصف الاطراف وتكسرها وبيخلي الشعر بشكل عام شكله باهت.

نصايح لحل المشكلة:

– روتين العناية بشعرك في الصيف لازم تدخلي فيه شامبو وبلسم مرطب بيحتوي على زيوت طبيعية زي زيت جوز الهند او زيت الارجان لاضافة الرطوبة وحماية شعرك من اشعة الشمس.

– اتجنبي استخدام ادوات تصفيف الشعر بالحرارة زي السيشوار والمكواة والكيرلر ، لانها ممكن تزود من جفاف الشعر ، بدل ده ، سيبي شعرك ينشف في الهوا بشكل طبيعي او استخدمي السيشوار على اقل درجة حرارة لتجفيف الشعر.

– البسي قبعة او سكارف لحماية شعرك من اشعة اشمس وتقليل كمية الاشعة فوق الينفسجية اللي ممكن تتلف شعرك ، ممكن تستخدمي شامبو تيرسميه بوست Tresemme moisture boost مثالي للشعر الجاف غني بحمض الهيالورونيك اللي بتساعد الشعر على الاحتفاظ بالرطوبة ، والحفاظ عليه وتغذيته من الجذور للاطراف وبيدي الشعر مظهر رطب وصحي ، حمض الهيالورونيك يعتبر مرطب طبيعي وبيحافظ على رطوبة الشعر وحيويته.

3- تهيج فروة الراس:

تهيج فروة الراس كمان واحدة من المشاكل الشائعة في الصيف ، وغالبا بتحصل بسبب التعرق او التعرض للمواد الكيميائية الموجودة في حمام السباحة ، اللي ممكن تأدي للحكة والقشرة وحتى تساقط الشعر في الحالات الشديدة.

نصايح لحل المشكلة:

– اغسلي شعرك بانتظام بشامبو لطيف وخالي من الكبريتات لازالة العرق والاوساخ والمواد الكيميائية الموجودة في حمام السباحة.

– اتجنبي استخدام الماية السخنة عند غسل الشعر ، لانها ممكن تزيل الزيوت الطبيعية وتجفف فروة الراس ، بدل كده ، استخدمي الماية الفاترة او الباردة.

– استخدمي سيروم او زيت مهديء لفروة الراس بيحتوي على مكونات زي زيت شجرة الشاي او الصبار لتقليل الالتهاب وتهدئة الحكة ، ممكن تستخدمي شامبو وبلسم Love beauty & planet tea tree اللي بيحتوي على زيت شجرة الشاي المعروف بخصائصه المضادة للقشرة وتهدئة فروة الراس ، والنعناع الطبيعي اللي بيساعد على انعاش فروة الراس.

4- بهتان لون الشعر:

لو صابغة شعرك ، شمس الصيف ممكن تسبب تلاشي اللون بسرعة ، الاشعة فوق البنفسجية ممكن تكسر الجزئيات في صبغة الشعر وده بيأدي لفقدانه حيويته وبهتان اللون.

نصايح لحل المشكلة:

– البسي قبعة او سكارف لحماية شعرك من اشعة الشمس ، او استخدمي سبراي واقي من اشعة الشمس فوق البنفسجية هيساعد على حماية شعرك من اضرار الشمس.

– استخدمي شامبو وبلسم يكون آمن على الشعر المصبوغ ومعمول مخصوص عشان يساعد في الحفاظ على لون شعرك.

– حطي في اعتبارك تعملي علاج لمعان للشعر في صالون متخصص ، واللي ممكن يساعد في تجديد لون شعرك واضافة لمعان عليه.

5- انقسام اطراف الشعر:

الحرارة المفرطة والاشعة فوق البنفسجية والكلور ممكن يسببوا تلف شعرك ، وده هيأدي لتقصف الاطراف ، اللي بدوره هيخلي شعرك هايش ومش صحي.

نصايح لحل المشكلة:

– قصي اطراف الشعر بانتظام للمساعدة في منع تقصف الاطراف من الانتشار بشكل اكبر فوق جذع الشعرة.

– استخدمي ماسك للشعر او علاج الترطيب العميق لتغذية وترطيب شعرك ، ده هيساعد على منع التقصف في المستقبل.

– اتجنبي استخدام ادوات التصفيف بالحرارة زي المكواة والسيشوار ، لانها ممكن تضر شعرك وتتسبب في انقسام اطراف الشعر.

– احمي شعرك من الاشعة فوق البنفسجية والكلور عن طريق لبس قبعة او سكارف او استخدام Leave-in conditioner او زيت للشعر.

6- الشعر الدهني:

الجو الحر والتعرق ممكن يتسبب في زيادة افراز الدهون في فروة راسك ، وده هيأدي لظهور الشعر الدهني.

نصايح لحل المشكلة:

– اغسلي شعرك بشكل متكرر خلال شهور الصيف لازالة الدهون الزيادة والعرق.

– استخدمي الشامبو الجاف او بودرة الاطفال لامتصاص الزيت الزيادة بين الغسلات.

– اتجنبي استخدام منتجات التصفيف التقيلة اللي ممكن تتقل شعرك زيادة وتخليه دهني اكتر.

7- تقصف الشعر:

الانشطة الصيفية زي السباحة وحمامات الشمس وممارسة الرياضة في الهواء الطلق ممكن تأدي لتكسر الشعر ، خصوصا لو مش بتحمي شعرك بشكل صح.

نصايح لحل المشكلة:

– اتجنبي استخدام ادوات التصفيف بالحرارة لانها بتسبب الضرر للشعر وبتأدي لتقصفه ، بدل كد ، اختاري تجفيف الشعر بالهوا او استخدمي السيشوار على اقل درجة حرارة.

– البسي قبعة او سكارف لحماية شعرك من اشعة الشمس وتقليل كمية الاشعة فوق البنفسجية اللي ممكن تتلف شعرك.

– استخدمي مشط اسنانة واسعة او صوابعك لفك تشابك الشعر وهو مبلول ، ده هيساعد على منع التكسر وتقليل الضرر اللي ممكن يحصل للشعر.

طرق حماية وعلاج الشعر التالف من الشمس