العناية بالشعر | قصات الشعر التريندي لموسم شتاء 2024

لو عايزة تجددي اللوك وتعرفي احدث القصات التريندي للشتا ، النهاردة من خلال موضوعنا هنشارك العروسة قصات الشعر التريندي للشتا ، تستوحي منها اللوك بتاعك وتختاري منها اللي يناسبك.

قصات الشعر التريندي للشتا:

1- قصات شعر متوسطة:

قصات الشعر المتوسطة ليها شعبية كبيرة اوي لانها مناسبة لمختلف اشكال الوجوه وانواع الشعر وبالتالي هي مناسبة لاي حد ، وكمان بتديكي مساحة تجربي ستايلات مختلفة من غير ما تبقي متقيدة بشكل معين.

2- قصة بوب مع تمويجات خفيفة:

قصة البوب الكلاسيكي مع تمويجات ناعمة وخفيفة من القصات الموضة لموسم الشتا ، ومثالية جدا للمناسبات الرسمية والخروجات غير الرسمية ، والتمويجات بتضيف حجم وحركة للشعر.

3- قصة شاج مدرجة:

لو عايزة لوك جريء شوية ، قصة شاج مدرجة او طبقات هتكون هي القصة المثالية ليكي ، هتيديكي لوك فوضوي من غير مجهود واللي ليه شعبية كبيرة جدا خلال شهور الشتا.

4- قصة البوب الطويل:

البوب الطويل يعتبر الاختيار المفضل كل شتا ، وبسبب الطول اللي بيوصل للكتفين مع الطبقات الخفيفة ، بيخلي القصة انيقة وكاجوال في نفس الوقت ، وكمان القصة هتديكي مساحة انك تعملي الشعر مفرود, ويفي, كيرلي ، حسب حالتك المزاجية او المناسبة.

5- قصة بلانت مع قوصة مدرجة:

شكل القصة مع تدريجة القوصة هتعمل توازن لملامح الوش وهتحلي شكل وشك.

6- شعر متوسط كيرلي:

قصة الشعر المتوسط مع الستايل الكيرلي هتدي شكل حلو للوش وحجم للشعر ، خصوصا لو شعرك خفيف هتكون مناسبة جدا ليكي.

نصايح تصفيف للشعر للعناية بشعرك في الشتا:

مع انخفاض درجة الحرارة ، مهم انك تعدلي روتين العناية بالشعر عشان تمنعي الجفاف والهيشان ، بننصحك تستخدمي شامبو وبلسم مرطب للحفاظ على ترطيب خصلات الشعر ، بالاضافة لاستخدام واقي من الحرارة قبل تصفيف الشعر بالحرارة سواء بالسيشوار او المكوى لحماية شعرك من التأثير الضار للحرارة.

5 حاجات لازم تعرفيها لو بتصبغي شعرك لاول مرة