العناية بالبشرة | حيل لمنع العرق في الصيف

العرق هي آلية مهمة لتنظيم درجة حرارة الجسم ، ولكن المشكلة انه ممكن يتحول لكابوس عند اشخاص كتير ، خصوصا في الصيف والايام الحر ، ممكن يسبب بقع على الهدوم ، وممكن يسبب كمان مشاكل جلدية ، زي ريحة العرق الكريهة والفطريات ، وبالنسبة للاشخاص اللي بيعانوا من زيادة التعرق ، ضروري انهم يتأكدوا لو في سبب اساسي خطير ، اما لو التعرق مش مرتبط بأي مرض او مشكلة صحية ، هنقولك النهاردة حيل لمنع العرق في الصيف.

حيل لمنع العرق:

1- البسي ملابس قطن خفيفة:

في ايام الصيف ، يعتبر اختيار الملابس الخفيفة واحد من العوامل اللي بتقلل من تأثير الشمس ، اتجنبي الملابس اللي واخدة شكل الجسم الافضل تعتمدي على الملابس الفضفاضة والملابس المصنوعة من خامات صناعية ، اختاري الملابس القطن الواسعة اللي ممكن تمتص العرق.

2- اشربي ماية كتير:

على عكس الاعتقاد الشائع ، شرب السوايل كتير مش بيأدي لزيادة التعرق ، الماية بتحافظ على توازن درجة حرارة الجسم ، لما التعرق بيكون كتير ، الجسم بيفقد الملح ، وللحفاظ على مستوى الصوديوم بالنسبة الصحية للجسم ، اشربي كمية مناسبة من الماية.

3- اتجنبي الكافيين:

اتجنبي المشروبات اللي بتحتوي على كافيين ، لان شرب القهوة والشاي كتير بيأدي للتعرق وبيزود من فقدان الماية.

4- راقبي اكلك:

خليكي حذرة جدا عند اكل الاطعمة السخنة, الحارة, والدهنية ، وكمان البصل والثوم لانها بتزود التعرق ، كلي الاطعمة الخفيفة والبسيطة بدل الوجبات السريعة والاطعمة التقيلة.

5- اشربي شاي المرمرية:

يعتبر شاي المرمرية وعصير الطماطم كمان من المشروبات اللي بتقلل من فعالية الغدد العرقية.

6- اتخلصي من الوزن الزيادة:

الوزن الزيادة هو واحد من الاسباب الرئيسية المسببة للتعرق ، للحفاظ على صحتك العامة وتقليل التعرق ، اتخلصي من الوزن الزيادة بنظام غذائي صحي.

7- انتبهي لنضافتك:

خدي حمام مرة واحدة على الاقل يوميا ، وبعد الحمام جففي جسمك كويس واستخدمي منتجات مضادة للتعرق ، وغيري الهدوم بشكل دايم بعد كل حمام.

8- تهوية المكان:

اتأكدي من تهوية المكان اللي انتي موجودة فيه سواء البيت او المكتب بشكل متكرر طول اليوم ، لانه دوران الهوا في المكان حتى لو قليل ، بيقلل من التعرق.

9- اتجنبي الحركة المفرطة:

اتجنبي الحركة المفرطة لان الحاجات اللي بتحتاج نشاط بدني بتزود من التعرق ، ولو انتي مضطرة تفضلي فترات طويلة في الشمس ، حاولي انك تاخدي راحة كل فترة.

10- ماتاخديش شاور بماية سخنة:

الاستحمام بالماية السخنة بيرفع درجة حرارة الجسم وبيسبب التعرق المفرط ، الافضل تستحمي بماية دافية او باردة اذا امكن للحفاظ على توازن درجة حرارة الجسم.

11- علاج البوتوكس لعرق تحت الابطين:

من العلاجات المعتمدة لعلاج التعرق المفرط ، هو حقن البوتوكس تحت الجلد بأبر دقيقة في المنطقة اللي بتعاني من تعرق شديد ، مع العلاج ده ، التعرق بيتوقف في المنطقة لمدة 6 شهور تقريبا ، ويعتبر البوتوكس من اكتر العلاجات الشائعة لمنطقة تحت الابط ، بالاضافة ان التعرق بيستمر في اجزاء تانية من الجسم ، فتوقف التعرق في المنطقة دي مش بيسبب اي مشاكل صحية ومش بيسبب اي ضرر.

وصفات و حيل ازاى ممكن تعرقى اقل