مكياج | اعرفي إزاي تعملي مكياج الشفايف زي المحترفين بخطوات بسيطة وسهلة

مهما كان مكياجك حلو ومن ماتريال عالية، لو مكياج الشفايف والروج مش مظبوطين ، المكياج مش هيبان ولا هينور، ولأنه دايما بنقول انه أحلى روج للبنت هو لون شفايفها.. في المقال ده هنقولك ازاي تقدري تعملي مكياج الشفايف زي المحترفين ويبان طبيعي بخطوات سهلة وبسيطة جدا ..

اعرفي إزاي تعملي مكياج الشفايف زي المحترفين بخطوات بسيطة وسهلة

الروج المناسب لشفايفك هو الروج اللي هيتماشى مع لون شفايفك الطبيعي، عشان كده لازم تعرفي تحددي ايه هو اللون الطبيعي لشفايفك..

ازاي تعرفي أفضل لون مناسب لشفايفك ؟

عشان تعرفي أفضل درجة روج مناسبة ليكي بصي على اللون الداخلي لشفايفك

اللون الداخلي ده بدرجاته المختلفة هي أفضل درجات الروج اللي ممكن تستخدميها وتبقى حلوة عليكي وتخليكي تقدري تعملي مكياج الشفايف مظبوط ، خلينا نقولك ليه هو الأفضل.

ليه اللون الطبيعي للشفايف هو لون الروج الأفضل؟ 

السبب الأول : 

لأنك ممكن تستخدمي اللون ده على شفايفك من غير ما تعملي معاه مكياج لكن بص هيخلي وشك يبان فريش أكتر لأنه شفايفك مش هتبقى باهتة، وكمان هيعزز من حجم شفايفك ويخليها تبان أكبر بشكل طبيعي. 

السبب التاني : 

لو حابة تستخدمي مكياج معاه ومستعجلة او مش عايزة تعملي مكياج تقيل، مش هتحتاجي أكتر من مسحة من الماسكارا عشان تبرز عينيكي وتخليها تبان واسعة ومنورة، خصوصا انه الشكل الطبيعي لشفايفك هيخلي التركيز كله على عينيكي. 

السبب التالت : 

لو مش نايمة كويس وماعندكيش وقت الماسكارا مع الونسيلر واستخدام الطريقة دي في مكياج الشفايف هتنجز معاكي مش هتحتاجي حاجة تانية. 

لون صح ولون غلط

وبعد ما حددنا اللون خلينا نبدأ خطوات مكياج الشفايف مع بعض 

الخطوة الأولى : 

أول خطوة عشان تقدري تعملي مكياج الشفايف صح هي انك تستخدمى سكراب الشفايف وتفركيه بالراحة عشان تتخلصي من الجلد الميت والاجزاء الناشفة، عشان يبقى الروج ناعم ومتساوي، عملي سكراب لشفايفك ورطبيها كويس الأول قبل ما تستخدمي الروج عشان تحصلي على أفضل نتيجة وممكن من نفس اللون تستخدمي روج أغمق لحد 3 درجات، يعد السكراب استخدمي مرطب شفايف او lip palm علشان تحافظي عليها ناعمة ورطبة بعد التقشير. 

الخطوة الثانية : استخدمي الكونسيلر

جهزي شفايفك باستخدام طبقة خفيفة اوى من الكونسيلر او الفاونديشن عشان تبقى base للخطوات الجاية ، ولو عايزة شفايفك تبان كبيرة شوية اخرجي بالكونسيلر لحد الحدود الخارجية لشفايفك بس بجزء بسيط اوي. 

الخطوة الثالثة : تحديد الشفايف 

ودي بتعتبر أهم خطوة، اختاري قلم تحديد شفايف اغمق بدرجة او اتنين من اللون الطبيعي لشفايفك، حددي الخ الخارجي للشفايف وبعد كده برقة املي بالقلم شفايفك كلها، بعد كده استخدمي الروج من نفس اللون وافرديه على شفايفك كلها بطبقة خفيفة. 

الخطوة الرابعة: 

عشان تعملي لمعة بسيطة ممكن تستخدمي مسحة خفيفة من الـ lip gloss وعشان تديكي حجم أكبر لشفايفك، استخدمي ملمع الشفايف الشفاف على منتصف الشفاة عشان تبقى منورة وواضحة على الجزء المليان اللي في الشفايف

النتيجة النهائية

اعرفي معانا كمان 8 حيل مكياج هتبين شفايفك اكبر وشكلها ممتليء