مكياج | دليل للمبتدئين: طريقة اختيار الرموش الصناعية الصح المناسبة لشكل عينيكي

كلنا عارفين تأثير الرموش الصناعية على شكل العين, وقد ايه بتديها وسع وتظهرها اكتر, ولكن في مشكلة بتحبط بنات كتير ان الرموش مش بتبقى مناسبة لشكل عينيهم, وعلى الرغم من ان الرموش مهمتها انها تخلي شكل العين احلى وتظهرها, ولكن ممكن يحصل عكس ده لو اختارتي رموش غلط مش مناسبة لعينيكي, عشان كده النهاردة من خلال موضوعنا هنساعد العروسة في المهمة دي وهنقولك طريقة اختيار الرموش الصناعية المناسبة لشكل عينيكي.

طريقة اختيار الرموش الصناعية المناسبة لشكل عينيكي:

1- الرموش الصناعية للعيون المستديرة:

لو صاحبة عيون مستديرة, فغالبا هتكون عينيكي واسعة وهتبقي قادرة تشوفي اللون الابيض اللي حوالين قزحية العين بشكل واضح جدا, في الحالة دي الرموش الغامضة مع الدراما ناحية الزاوية الخارجية للعين هتدي شكل جذاب للعين وهتدي لوك كات اي حلو للعيون, والرموش المجعدة او المتنية هتدي لوك درامي للعين.

ودلوقتي هنشوف بالصور الاشكال اللي تمشي مع العيون المستديرة وتحت كل نوع الاسم بتاعه عشان نسهل عليكي لما تروحي تشتريها.

رموش للوك طبيعي:

رموش للوك درامتيكي:

2- الرموش الصناعية للعيون اللوزية:

بالنسبة للعيون اللي على شكل لوزة, العيون اللي بالشكل ده مش بتقدري تشوفي فيها اللون الابيض فوق او تحت قزحية العين بعكس العيون المستديرة, وشكل العين ده بيليق عليه تقريبا اي شكل رموش صناعية, وتقدري تظهري العين احلى وبشكل مثير اكتر عن طريق اختيار رموش كثيفة اللي بيتم توزعيها بالتساوي على طول خط الرموش.

رموش للوك طبيعي:

رموش للوك درامتيكي:

3- الرموش الصناعية للعيون الصغيرة او المبطنة:

العيون المبطنة اللي بيكون فيها الجفن جزء منه مخفي او مش باين وفي نفس الوقت العيون مفتوحة, والهدف مع العيون الصغيرة او المبطنة هو فتح او توسيع العين بقدر الامكان, غالبا الرموش الدرامية الطويلة والسمكية هتكون تقيلة اوي وهتبين العين بشكل اصغر, عشان كده بدل ده الافضل تختاري الرموش الاقصر واللي شكلها طبيعي اكتر, وممكن كمان الرموش الطويلة شوية من النص تخلق عمق للعين.

نصيحة: متنسيش انك تقصي الرموش الصناعية شوية قبل ما تركبيها عشان يبقى شكلها مريح على العين, وبننصحك انك تقصي من الزاوية الخارجية, اللي غالبا بيكون اطول جزء في الرموش.

رموش للوك طبيعي:

رموش للوك درامتيكي:

4- الرموش الصناعية للعيون العميقة:

لو عينيكي عميقة وبتكون داخلة لجوه شوية وعضمة الحاجب بارزة, تبقي انتي محظوظة لانك تقدري اي لوك درامي انتي عايزاه لرموشك, ممكن تختاري رموش طويلة هتوسع عينيكي ويفتحها ويظهرها اكتر, واتأكدي انك تجعدي او تتني الرموش كويس عشان تساعد في فتح او توسيع العين اكتر.

رموش للوك طبيعي:

رموش للوك درامتيكي:

5- الرموش الصناعية للعيون الاحادية:

العيون الاحادية هي اللي متقدريش تشوفي فيها تنية او تجعيدة العين على الجفن, وهي اللي بتبقى العيون الاسيوية, والشكل ده تقدري تختاري له الرموش ال Fluttery بطبقات متقاطعة عشان تفتح العين وتوسعها, او رموش اقصر واقل درامتيكية, ونصيحتنا ليكي هي انك مجرد ما تركبي الرموش جعديها او اتنيها لفوق عشان تدي ارتفاع اكتر للعين.

رموش للوك طبيعي:

رموش للوك درامتيكي:

في النهاية مجرد ما تختاري الرموش المناسبة لشكل عينيكي, اتأكدي انك تقصيها شوية عشان تناسب عينيك بشكل صحيح, وعادة بيكون طول الرموش الصناعية مناسب لمعظم العيون, ولكن في بعض العيون بتحتاج ان الرموش يتقص منها شوية عشان تبقى مريحة اكتر على العين.

اتعلمي بالخطوات إزاي تركبي الرموش الصناعية!