العناية بالبشرة | افضل انواع غسول لحب الشباب

الغسول يعتبر خطوة مهمة في روتين العناية بالبشرة وبشكل خاص للبشرة اللي بتعاني من حب الشباب ، لانه بيساعد على موازنة درجة حموضة الجلد ، وبيقتل الملوثات والبكتيريا المسببة لحب الشباب ، والنهاردة من خلال موضوعنا هنتعرف على افضل انواع غسول لحب الشباب.

فوايد الغسول للبشرة:

• بينضف البشرة بعمق من غير ما يسبب اي تهيج او التهاب.
• بيمنع انسداد مسام البشرة ، وبالتالي بيمنع ظهور الحبوب.
• بيساعد على ازالة الخلايا الميتة والشوائب من البشرة.
• بيمنع البكتيريا المسببة لحب الشباب ، وبيساعد على ازالة البثور الموجودة تحت الجلد.
• بيساعد على موازنة انتاج الزهم والزيوت في البشرة من غير ما يسبب جفافها.
• بيساعد على علاج حب الشباب والبقع الناتجة عنها.

• 

افضل انواع غسول لحب الشباب:

1- غسول نيتروجينا Neutrogena oil-free acne:

غسول نيتروجينا بيحتوي على حمض الساليسيليك اللي بيساعد على تقليل زيوت البشرة والتخلص من الجلد الميت اللي بيسد مسام البشرة ، عشان كده الغسول ده يعتبر من افضل انواع الغسول لحب الشباب.

سعره: 150 جنية.

2- غسول لاروش بوزيه La roche-posay:

بيحتوي على حمض الساليسيليك والالفا هيدروكسي ودي تعتبر من الاحماض المقشرة للبشرة ومفيدة جدا لعلاج حب الشباب التكيسي او حب الشباب الشديد بشكل خاص ، وبيساعد في التقليل من الخلايا الميتة وزيادة معدل نمو خلايا جديدة وبالتالي بيزود من نضارة البشرة ، بالاضافة ان الاحماض دي بتخلص البشرة من مشاكل حب الشباب الشائعة زي الزيوت الزيادة, البثور, والرؤوس السودا ، ولكن لانه بيحتوي على احماض مقشرة ضروري تحطي في روتينك كريم مرطب قوي لتجنب التهيج او الجفاف الزايد للبشرة.

سعره: 305 جنية.

3- غسول سيرافي CeraVe:

غسول رغوي ، مناسب للبشرة العادية المايلة للدهنية ، بيساعد على ازالة الزيوت الزيادة, الاوساخ, المكياج ، مع الحفاظ على رطوبة الجلد بسبب محتواه من حمض الهيالورنيك, النياسيناميد, والسيراميد.

سعره: 195 جنية.

4- غسول ديرما Derma E hydrating gentle cleancer:

لو بشرتك جافة وفي نفس الوقت بيظهر فيها حب شباب ، يبقى الغسول ده هو المناسب ليكي ، لانه غسول جل وانواع الغسول الجل بيكون ليها تأثير مرطب اكتر من انواغ الغسول الرغوية ، الغسول بيتكون من مكونات مرطبة ومهدئة زي حمض الهيالورنيك والبابونج بالاضافة لفيتامينات E, A ، بالاضافة انه خالي من الكبريتات اللي بتسبب انسداد مسام البشرة.

سعره: 178 جنية.

5- غسول كلين اند كلير Clean & Clear continuous control:

الغسول بيحتوي على بنزويل البيروكسايد اللي بيساعد بشكل كبير على علاج الالتهابات وحب الشباب ، ومفعوله ممتد لفترة طويلة على البشرة بعد غسله.

سعره: 114 جنية.

6- غسول ستيفز St.Ives acne control daily face cleancer:

بيحتوي على حمض الساليسيليك ، وده زي ما قولنا يعتبر من افضل الاحماض لتقليل الزيوت الزيادة وخلايا الجلد الميتة ، بالاضافة ان الغسول بيحتوي على مستخلص شجرة الشاي اللي ليه خصائص مضادة للالتهابات وبيساعد على محاربة حب الشباب.

سعره: 63 جنية.

7- غسول ديفرين Differin facial cleancer:

غسول ديفرين بيحتوي على 5% من مادة بنزويل البيروكسايد وده بيخليه فعال في محاربة حب الشباب من غير ما يسبب جفاف او تهيج للبشرة ، ويعتبر انسب اختيار للي بشرتهم حساسة ، كمان بيحتوي على الجلسرين المرطب اللي بيساعد على ترطيب بشرتك.

سعره: 168 جنية.

8- غسول بانوكسيل PanOxyl acne creamy wash:

غسول تاني يعتبر من افضل انواع الغسول لحب الشباب لانه بيحتوي على بنزويل البروكسايد بنسبة 4% ، وفعال جدا في التخلص من الزيوت الزيادة والجلد الميت والشوائب ، ومناسب للبشرة العادية والمختلطة ، وبيساعد كمان على ازالة اثار الحبوب ، وتركيبته كريمية مرطبة للبشرة ، وتقدري تستخدمي الغسول ده للجسم كمان للاماكن اللي بتعاني من حب الشباب والبثور.

سعره: 152 جنية.

9- غسول بيوريه كركول Biore charcoal acne daily cleancer:

الغسول بيحتوي على حمض الساليسيليك مع الفحم المنقى والاتنين بيتغلغلوا جوه المسام وبينضفوها من الزيوت الزيادة وخلايا الجلد الميتة.

سعره: 230 جنية.

دليل العناية بالبشرة لعلاج وتهدئة حب الشباب..وانواع الحبوب وطريقة علاج كل نوع