زيادة الوزن | 20 اكلة هتساعدك على تكبير المؤخرة بشكل فعال

لو بتحاولي توصلي لمؤخرة ممتلئة او عايزة ترفعي او تشدي المؤخرة وتخلي شكلها مثالي, يبقى اكيد انتي محتاجة تتعرفي معانا النهاردة على افضل انواع اكلات لتكبير المؤخرة بشكل فعال وكمان زيادة الوزن للجسم كله لان اكيد تكبير المؤخرة هيحتاج زيادة شوية في الوزن بشكل عام, وحتى للبنات اللي بيمارسوا رياضة لتكبير المؤخرة زي السكوات او غيرها هما بردو محتاجين انواع الاكل دي لان الجسم محتاج مع التمارين الاكل اللي بيحتوي على دهون صحية وكمية كبيرة من البروتين عشان التمارين تجيب معاهم نتيجة سريعة وفعالة وتديهم النتايج اللي متوقعينها.

اكلات لتكبير المؤخرة بشكل فعال:

1- المكسرات:

المكسرات بجميع انواعها من الاكلات الصحية اللي بتساعد على تكبير المؤخرة لو اكلتي منها يوميا وخصوصا الكاجو, واللوز, والفول السوداني, تقريبا 30 جرام من المكسرات بتحتوي على 135 سعر حراري, ولو انتي مش من محبات المكسرات ممكن تضيفيها على اكلات تانية زي الشوفان او تحطيها على السلطة, او تاكلي حاجة حلوة بالمكسرات كوجبة خفيفة, او تضيفي المكسرات على الزبادي.

2- الافوكادو:

الافوكادو غنية بالبوتاسيوم, والالياف, والمعادن المختلفة والفيتامينات, والاهم من ده كله انها غنية جدا بالدهون الاحادية غير المشبعة بشكل خاص وده بيخليها من الاكلات اللي بتساعد في تكبير المؤخرة واكتساب الوزن بشكل عام عشان كده كلي منها بكميات معقولة لو مش محتاجة تزودي وزنك كله, ممكن تضيفيها على انواع الاكل المختلفة او السلطة او تاكليها لوحدها.

3- الزبادي اليوناني:

الزبادي اليوناني من الاكلات اللي بتساعد على تكبير المؤخرة واكتساب الوزن بشكل عام وهو مختلف عن الزبادي العادي لانه بيحتوي تقريبا على 16 جرام من الدهون المشبعة عن الزبادي العادي, عشان كده بينصح خبراء التغذية انك تاكلي منها باعتدال وممكن تاكلي الانواع قليلة الدسم او الخالية من الدسم.

وهنلاقي الزبادي اليوناني موجودة في الهايبر ماركت ولو مش متوفرة احنا ممكن نعملها في البيت بطريقة سهلة, هنجيب لتر لبن ونغليه وبعدين نرفعه من على النار وننقله في اي طبق ازاز او بيركس ومنحطوش في حاجة استانلس او الومنيوم ونسيبه لحد ما يبرد يبقى في درجة حرارة الغرفة وبعدين ندوب فيه 3 معالق زبادي عادية ونقلبه كويس ونغطيه بفوطه ونحطه في الفرن ونشغل لمبة الفرن عشان تعمل حرارة ونسيبه من 4 – 12 ساعة لحد ما يتجمد ويبقى زبادي, بعدين نجيب شاشة نحطها على طبق غويط نصب فيها الزبادي ونسيبها كام ساعة كمان لحد ما تصفي اي مية موجودة فيها وممكن نحطها في التلاجة في الفترة دي, وكده تبقى الزبادي بتاعتنا جاهزة للاكل.

4- الدقيق الكامل:

لو بتاكلي خبز ابيض يبقى جيه الوقت انك تستبدليه بخبز القمح الكامل او الاسمر لانه صحي اكتر من الخبز العادي وفي نفس الوقت بيحتوي على سعرات حرارية اكتر, عشان كده يعتبر وسيلة رائعة جدا لتكبير المؤخرة وزيادة الوزن بشكل صحي.

5- التونة:

علبة التونة تقريبا بتحتوي على 200 سعر حراري وتعتبر مصدر مثالي جدا للبروتين والدهون الصحية, ولو محتاجة زيادة وزن للجسم كله بشكل عام ممكن تحطي عليها اضافات تزود سعراتها الحرارية زي البيض او المايونيز او الكرفس, او تفردي التونة على شريحة توست اسمر.

6- الفاكهة المجففة:

الفواكه المجففة زي الاناناس, المشمش, الموز, التين, بتساعد على تكبير المؤخرة وزيادة الوزن كمان بشكل عام وهي فعاليتها اكبر من الفاكهة الطازة في زيادة الوزن لو انتظمتي على اكلها لانه تقريبا معلقتين من الفاكهة المجففة فيهم نفس السعرات الحرارية الموجودة في كوباية او كوباية وربع من الفاكهة الطازة, وبردو لو مش محتاجة زيادة وزن كبيرة كلي منها بكميات معقولة.

7- البطاطس:

البطاطس غنية جدا بالكربوهيدرات اللي بتساعد على زيادة الوزن وبالتالي تكبير المؤخرة, ثمرة بطاطس واحدة متوسطة الحجم بتحتوي تقريبا على 163 سعر حراري, لكن البطاطس كمان مفيدة لانها غنية بفيتامين سي, وفيتامين بي 6, والبوتاسيوم, وكمان لو اكلتيها من غير ما تقشريها هتبقى افيد وقيمتها الغذائية اعلى بس تغسليها كويس جدا وتعمليها بالقشر زي ما هي.

8- اللحوم الحمرا:

لو عايزة تكبير فعال وبناء عضلات في منطقة المؤخرة يبقى لازم تاكلي لحوم حمرا لانها غنية جدا بالبروتين والفيتامينات والمعادن.

9- حبوب الكينوا:

حبوب الكينوا من الاكلات الصحية والمفيدة جدا وتعتبر من الاكلات القليلة جدا اللي من اصل نباتي لكن تعتبر بروتين كامل وبتحتوي على جميع الاحماض الامينية الاساسية اللي محتاجها الجسم, وهنلاقيها موجودة في الهايبر ماركت.

10- البيض:

البيض من الاكلات المعروف انها غنية جدا بالبروتين وبالتالي ده مش غريب انه يبقى من انواع الاكلات اللي بتساعد جدا على تكبير المؤخرة, ممكن تاكلي البيض المسلوق كوجبة خفيفة لو مش بتحبي البيض المقلي, لكن بردوا زي ما قولنا في النقط اللي فاتت منزودش زيادة عن اللزوم عشان البيض فيه نسبة عالية من الكوليسترول.

11- الفاصوليا:

الفاصوليا من الاكلات الغنية جدا بالبروتين, وبالاحماض الامينية اللي بتساعد على بناء العضلات وبالتالي ده هيساعد على تكبير المؤخرة, وكمان تعتبر مصدر كبير جدا من مضادات الاكسدة الاكسدة.

12- الخضار الورقي الاخضر:

كل الخضروات الورقية اللي لونها اخضر زي السبانخ, القرنبيط, الكرنب, البروكلي مش هتساعد بس في تكبير المؤخرة لكن كمان للجسم كله.

13- الطماطم:

الطماطم مفيدة جدا للصحة بشكل عام لانها غنية بالمواد المضادة للاكسدة, ومش هتساعد بس على تكبير المؤخرة كمان بترفعها وبتشدها, ثمرة طماطم واحدة في اليوم هتخلي شكل المؤخرة مثالي جدا.

14- التوت والفراولة:

التوت والفراولة من الاكلات المفيدة للجسم كله بشكل عام مش بس للمؤخرة, وكمان مفيدة جدا للبشرة وبيخليها صحية, لو انتظمتي على اكلهم بشكل يومي.

15- الجبنة القريش:

الجبنة القريش من انواع الجبن الغنية جدا بالفيتامينات, والحديد, والمغنسيوم, والفوسفور, والبوتاسيوم, وبالتالي بتساعد على بناء جسم صحي بشكل عام مش بس المؤخرة.

16- لحم الديك الرومي:

الديك الرومي يعتبر مصدر غني جدا بالبروتين وبالتالي ده بيساعد الجسم على بناء العضلات وتكبير المؤخرة.

17- الارز البني:

الارز البني غني جدا بالالياف اللي بتمنع من ارتفاع مستويات الكوليسترول وبالتالي  مش بس هيساعدك على تكبير المؤخرة وهيخلي شكلها مثالي لكن كمان صحي جدا للجسم كله بشكل عام وهينعكس على صحتك بشكل ايجابي جدا, لو عايزة وجبة سريعة وتكبر المؤخرة بشكل سريع وفي وقت قياسي يبقى الارز البني اطبخيه بزيت الزيتون هتحصلي على وجبة فعالة لتكبير المؤخرة بشكل سريع.

18- السمك البلطي:

الميزة في السمك البلطي انه بيحتوي على كمية قليلة جدا من الدهون وبالتالي تقدري تاكلي منه زي ما انتي عايزة وانتي مطمنة, لكنه غني جدا بالفيتامينات اللازمة اللي بتساعد على تكبير المؤخرة.

19- مشروبات البروتين:

مشروبات البروتين احنا اتكلمنا عليها قبل كده هي مش بس بتساعد على تكبير المؤخرة كمان لزيادة وزن الجسم بشكل عام, ممكن لو بتمارسي تمارين السكوات لتكبير المؤخرة تشربي منها بعد التمارين عشان تديكي نتيجة افضل واسرع.

20- صدور الفراخ:

لو عايزة وجبة صحية وفي نفس الوقت تساعدك على تكبير المؤخرة بشكل فعال صدور الفراخ هي اللي هتساعدك على المهمة دي.

مع الاكلات دي ممكن تدخلي في نظامك الغذائي بشكل يومي عصاير الفاكهة باللبن هتساعد جدا مع الاكلات, لكن زي ما قولنا متبالغيش في الكميات لو مش محتاجة زيادة وزن بشكل كبير, واتأكدي دايما انك بحرقي السعرات الحرارية اللازمة.

تمارين السكوات لشد ونحت المؤخرة والارداف