طريقة عمل سبراي الليمون لتفتيح الشعر

تغيير لون الشعر من الحاجات السهلة اللي ممكن تعمليها لتجديد اللوك بتاعك ، وعشان تغيري لونه من غير ما تضريه باستخدام الصبغة تقدري تستخدمي حاجات طبيعية مضرش شعرك ، والنهاردة من خلال موضوعنا هنشارك معاكم طريقة سبراي الليمون لتفتيح الشعر ، بالاضافة كمان انه هيخلي ريحة شعرك حلوة.

سبراي الليمون لتفتيح الشعر:

الحاجات اللي هتحتاجيها:

– 1 ليمونة كبيرة, او 2 ليمونة صغيرة.

– زهور الكاموميل “البابونج”.

– 2 ½ كوباية ماية.

– 5 نقط من زيت الليمون “اختياري”.

– حلة.

– قُمع.

– ازازة ببخاخ.

طريقة التحضير والاستخدام:

1- قطعي الليمون شرايح وحطيه في حلة فيها 2 ½ كوباية ماية.

2- ضيفي لهم حفنة “مليء الكف” من ازهار البابونج المجففة.

3- دلوقتي حطي الحلة على نار متوسطة ، وسيبي الخليط يغلي لمدة 15 دقيقة.

4- بعدها ارفعي الحلة من على النار ، وسيبي الخليط يبرد تماما.

5- ضيفي 5 نقط من زيت الليمون ، وصبي الخليط في ازازة ببخاخ باستخدام القمع.

6- كده السبراي يبقى جاهز للاستخدام ، تقدري تحتفظي بيه لمدة توصل لاسبوعين.

7- انتظمي على رش الشعر يوميا في اي وقت ، ولافضل النتايج عرضي شعرك للشمس بعد رشه بالسبراي ، الشعر هيبدأ لونه يفتح بالتدريج.

5 طرق طبيعية لصبغ الشعر تقدري تعمليهم بنفسك في البيت