العناية بالاظافر | الوان مانيكير الصيف في 2023: الالوان والتصاميم التريندي لضوافر القدمين

الصيف هو الوقت المثالي لتجربة الوان وتصاميم الضوافر الجديدة  ، سواء كنتي بتفضلي الالوان الكلاسيكية او التصاميم العصرية ، النهاردة من خلال موضوعنا هنشارك معاكم الوان مانيكير الصيف في 2023 لضوافر القدمين.

الوان مانيكير الصيف لضوافر القدمين:

– الوان الباستيل الناعمة:

الوان الباستيل من الالوان اللي مش بتبطل ابدا ، ومن اكتر الالوان التريندي السنة هي ، الوردي الفاتح, الاخضر النعناعي, الازرق السماوي ، والالوان دي تمشي تقريبا مع كل الوان البشرة ومثالية لاي مناسبة.

– الالوان الجريئة:

من انسب الوان المانيكير للصيف هي الالوان الجريئة والفاقعة ، زي الاحمر, الاصفر النيون, الازرق النيون, الاورانج.

– درجات الوان البحر:

للوك هادي ومناسب للصيف ، ممكن تعتمدي على اللون الازرق البحري, الاخضر المائي ، هيبقى انسب اختيار ليكي ، والالوان زي الفيروزي, الاخضر, الازرق الغامق ، مثالية جدا للشاطيء.

– المانيكير الجليتر:

للمسة متألقة ، اختاري الوان المانيكير الجليتر هتبقى هي الاختيار المثالي ، وسواء كنتي بتفضلي المانيكير اللي لمعانه خفيف او الجليتر الجريء ، فالالوان دي مثالية لاي مناسبة خاصة في الصيف ، زي الفضي, الدهبي, والدهبي الوردي مثالية لاضافة لمسة انيقة للوك الصيفي.

– الالوان والتصاميم الاستوائية:

للوك عصري ومناسب للصيف مش هتلاقي انسب من الالوان الاستوائية هتكون اختيار مثالي ، الوان زي البرتقاني الفاتح, الوردي, الاصفر الليموني ، مناسبة جدا للشاطيء وجو الصيف.

– التصاميم الجريئة والطبعات:

بالنسبة للاشخاص اللي بيحبوا الابداع في رسومات الضوافر والتصاميم المختلفة ، هيبقى الانماط والطبعات انسب حاجة ليهم ، زي النقط, الخطوط, لحد تصاميم الورد على الضوافر ، وهتلاقي اختيارات وتصاميم كتير تقدري تختاري منها ، والتصاميم ممكن تبقى مجموعة متنوعة من الالوان والاشكال.

– الدمج بين الالوان:

في اتجاه تاني تريندي بقاله كام سنة وهو المزج بين الوان وطبقات المانيكير المختلفة ، والاتجاه ده بيديكي اختيار انك تعملي التصميم الخاص بيكي ، سواء كنتي بتفضلي الالوان الجريئة والمشرقة او الالوان الناعمة الخفيفة ، تقدري تدمجي الالوان المختلفة مع بعض وتعملي تصميم مميز.

تعالوا نشوف مع بعض مجموعة افكار بالصور:

12 قاعدة بسيطة هتساعدك في الحصول على باديكير مثالي