اخبار | رسالة مبكية من الإعلامية سالي عبد السلام بعد فقدان توأمها: “بعد عامين من الانتظار والصبر”

الإعلامية المصرية سالي عبد السلام أثرت في قلوب متابعيها مؤخراً، وذلك بعد كشفها عن فقدان توأمها، بعد عامين من زواجها، وودعت سالي عبد السلام توأمها برسالة حزينة ومبكية عبر حسابها بانستقرام، وهو ما جعلها تلقى تعاطف كبير من الجمهور.

سالي عبد السلام تلقى تعاطف الجمهور بعد فقدان توأمها

وشاركت الإعلامية سالي عبد السلام الجمهور صوراً لها بالمستشفى، وكشفت من خلال عن فقدان توأمها، ونشرت رسالة مؤثرة حول تجربتها القاسية الأخيرة، وذلك بعد تكتم سالي عبد السلام على حملها، وقالت سالي عبد السلام في رسالتها: “قدر الله وماشاء فعل من كام يوم.. وده بعد سنتين انتظار التوام اللى كان نفسى فيهم اوى.. يا رب سنتين صبر وانت مفيش قدامك غير الصبر زى اى رزق والحمدلله ان اختباري كان فى الصبر وبس، مش اكتر، وكنت طالباها تيجى من عند ربنا خالص ومن غير تدخل دكاترة..”.

ولم تكشف سالي عبد السلام تفاصيل أخرى عن الأمر خاصة أنها لم تعلن من قبل عن حملها، وأضافت في رسالتها: “الحمدلله على نعمة الأخذ بعد العطاء.. يا رب فقدت اغلى ما ليا.. واللى كان هيكون ليا.. الحمدلله قدرى الحمد لله”.

سالي عبد السلام توجه نصائح للسيدات بعد فقدان توأمها

وكشفت سالي عبد السلام سبب مشاركتها هذا الأمر مع الجمهور، وقدمت نصائح للسيدات من وحي تجربتها الصعبة الأخيرة وقالت: “أنا بكتب الكلام ده عشان يمكن حد يتعلم، كل حد قالى وقال عليا مش عايزة تخلف عشان خايفة على جسمها و شغلها.. وكانت اوحش حاجة سمعتها فى حياتى، وهم لا يعلمون شيئاً، عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب أو معتبر نفسه كدة، ومش من أهله اصلاً ولا يحق له ويحسسهم ان وراهم تارجت، يا اما هيكون منبوذ منهم وهنسود عيشتك بسؤالنا كل شهر ونضغط عليك مع انهم مش هيشيلوا اصلا ومحدش هيشيل غيرك”.

وتابعت سالي عبد السلام في رسالتها: “اوعى تقولى انك حامل وخافى من العين واى كلام فى الموضوع ده بالذات، اهه مقولتش وبرضه محصلش ومع احترامى ليهم العرسة بتخلف ده مش انجاز، عشان كل ست اوعى تبقى بـ ١٠٠ ست وتشيلى مسؤولية كل حاجة لوحدك.. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها او نقلل منها، وبمعنى اصح نبقى سبب فى سقوط كل حاجة فيها مش اطفالها بس”.

سالي عبد السلام تودع توأمها برسالة مؤثرة

واختتمت سالي عبد السلام رسالتها المؤثرة قائلة: “يا ريتنى قولت مبعرفش او مش هقدر عشان موصلش لكدة، كلنا تعبنا وبنتعب ومحدش بيحس ومحدش طلب منك تحس بس الرحمة، الرحمة، كل اللى كتبت عنهم بينى و بينكم الله…انا لله وانا اليه راجعون.. ادعولى كتير .. راضية والحمد لله بس بنهار وأنا بصلى ومش بطلب غير الثبات من ربنا، بس ليا بيتين فى الجنة.. اخترت الآخرة والابقى يا الله”.

وكانت سالي عبد السلام قد احتفلت بزواجها منذ عامين في حفل زفاف صاخب وقالت وقتها بعد الزواج: “أخيراً تزوجت حبي ورفيق روحي وكل شيء في حياتي.. إن بعد الصبر جبر اللهم بارك، بارك الله لنا وبارك علينا وجمع بيننا فى خير، قصة فيلم والله يا ربى..مش هزعل تانى من ابتلاء يا ربى، مش هحكى غير لمدام إسعاد أو مدام منى الشاذلي”، وتغزلت بزوجها وقتها قائلة: “يا طيب يا جدع يا محترم يا خدوم يا ابن الحلال…بحبك فى الله يا طيب، ربنا يرزق الكل يا رب.. ادعولنا محتاجين دعوات كتير اوي، جبرنا بخاطر الكل يا رب ..اجبر بخاطرنا”.

الصور من حساب سالي عبد السلام على انستقرام.