اخبار | “الناس حواديت”.. أغنية جديدة لــ نسمة محجوب بطابع اجتماعى

طرحت النجمة نسمة محجوب، أغنيتها الجديدة “الناس حواديت” – Video  Lyrics – على اليوتيوب، والمنصّات الموسيقية، ومحطات الراديو، من كلمات سالم الشهبانى وألحان كريم نيازى، وتوزيع موسيقى كريم أسامة، ومن توزيع شركة ديجيتال ساوند.

أغنية “الناس حواديت” تقدمها نسمة بشكل جديد يحمل الطابع الاجتماعى، وقامت بالترويج لها عبر حسابها بموقع تبادل الصور والفيديوهات “إنستجرام” من خلال نشر فيديو وأيضا نشر البوستر الدعائي معلقة: ” الناس حواديت ،حكايات الدنيا بتكتبها .. أغنية جديدة | 03.12.2024″ .. وتفاعل معها عدد كبير من معجبيها، وأعربوا عن اشتياقهم لسماعها.

يذكر أن نسمة محجوب، كانت قد طرحت أغنية فى سبتمبر الماضى، أغنية بعنوان “مش شاغلين بالنا” – Video  Lyrics -، من كلمات محمد بحيرى وألحان نسمة محجوب، وتوزيع موسيقى معتز ماضى، وحققت بها نجاحا كبيرا.. وتقول كلمات “الناس حواديت”: “الناس حواديت الناس حواديت حكايات الدنيا بتكتبها الناس شبابيك وبيوت مقفولة على صحابها الناس أسرار جوابات ما تبان من عنوانها الناس أعمار وساعات مرهونة بزمانها.. وبرغم اننا على نفس الأرض وبنشبه بعض كتير ف حاجات لكن أوقات بنحس ان احنا بعيد عن بعض ماشين ف حياة بالطول والعرض عايشين حكايات بين عدى وفات وبننسي ساعات ان احنا أكيد مالناش غير بعض الناس حواديت.. الناس بروايز وصور متشالة على الجدران الناس الوان  وأسامي بدون عنوان ومكان الناس مواليد مواعيد مرهونة بلقا وفراق الناس شهادات مكتوبة بحبر على الأوراق وبرغم اننا على نفس الأرض وبنشبه بعض كتير ف حاجات لكن أوقات بنحس ان احنا بعيد عن بعض ماشين ف حياة بالطول والعرض عايشين حكايات بين عدى وفات وبننسي ساعات.. ان احنا أكيد مالناش غير بعض وبرغم اننا على نفس الأرض وبنشبه بعض كتير ف حاجات لكن أوقات بنحس ان احنا بعيد عن بعض ماشين ف حياة بالطول والعرض عايشين حكايات بين عدى وفات وبننسي ساعات.. ان احنا أكيد مالناش غير بعض الناس حواديت”